Katjielyne – Oefen my lyne is ’n speelse voorskryf- en handskrifboekie wat jong leerders help om belangrike vaardighede vir skryf stap vir stap te ontwikkel.
Die boekie fokus op hand-oog-koördinasie, potloodbeheer, rigting, lynvorming en herhaling en bou geleidelik van eenvoudige lyne na patrone en lettervorming.
Leerders kry geleentheid om onder andere:
reguit en horisontale lyne na te trek
geboë lyne, sirkels, golwe en ander patrone te oefen
potloodbeheer en korrekte skryfrigting te ontwikkel
hul naam te oefen
kleinletters a–z op katjielyne te skryf
beide hande saam te gebruik met bilaterale tracing-aktiwiteite
op ’n eenvoudige en prettige manier meer selfvertroue met skryf te ontwikkel
Die aktiwiteite is ontwerp om stadig en netjies geoefen te word, met kort oefensessies wat potloodbeheer en selfvertroue help opbou.
Ideaal vir: Graad 1, skole en tuisonderrig, ekstra fynmotoriese oefening en kinders wat nog aan potloodbeheer en vroeë handskrif werk.
Speel. Oefen. Groei. Elke lyn is ’n klein treetjie nader aan mooi, selfstandige skryfwerk.
